Besøk frå NLM i barnehagen

Lars Kjetil Emblem frå NLM var på besøk i barnehagen. Han var innom på alle avdelingane for å helse på og bli kjend. Og på Friskus-avdelinga hadde han samling der han fortalde bibelhistoria om den bortkomne sonen. Barna fekk også synge på direkten til Norrøna radio i Ålesund medan han hadde samlinga. Det var skikkeleg spennande! Medan han var på besøk laga barna kyllingwok til lunsj, og Lars Kjetil måtte sjølvsagt hjelpe til med tilberedinga:)

Tusen takk for koseleg besøk, Lars Kjetil!

Turbilder fra Friskus utegruppa

Rett nedanfor barnehagen er det er flott fjøre som Friskusane ofte er på tur til. Her kan dei leite etter krabbar, fange småfisk med hov og samle skjell.

Vatn i bøtta må ein ha, slik at ein er klar til å ta imot krabbar og fisk dersom ein finn noko..... No på hausten er det dessverre ikkje så lett å finne så mykje. Men det gjeld å vere klar dersom det plutseleg dukkar opp noko.

Bål i fjøra høyrer med, og det er alltid godt å varme seg på bålet. Barna spidder pølser på pinne, og kanskje er det også med litt marshmallows av og til.

På tur i Brattvågen. På vegen til sentrum får barna gå forbi skipsverftet, der dei ser alle dei store skipa som blir bygd og kranane som er i sving med å heise på plass ulike båtdelar. Dette er ein av hjørnesteinsbedriftene til Brattvåg, og som det er viktig for barna å få kjennskap til.

På besøk på biblioteket - her er spennande spel å halde på med, og nye, spennande bøker å bla og lese i. Det er alltid kjekt å kome på biblioteket.

Å samle naturmateriale for å lage dekorasjonar er kjekt.

Misjonsprosjektet - barn-hjelper-barn - 2013/2014 - Vest-Afrika

NLM har misjonsprosjekt i Vest-Afrika dette barnehageåret, og barnehagen har derfor 2 misjonsveker der vi har fokus på Vest-Afrika. Barna får høyre korleis barn i Elfenbenskysten har det, og vi samlar inn litt pengar som vi sender inn til prosjektet.

 

Litt afrikansk dans høyrer med. Fatou som har språkpraksis i barnehagen, har god erfaring i afrikansk dans frå heimlandet sitt. Og barna er ivrige etter å lære.

Historia frå bibelen om Babels tårn høyrer med. Historia fortel korleis folk begynte å snakke ulike språk.

Barnehagen har barn frå alle verdensdelar, og det er spennande å sjå på jordkloden kor barna eller barna sine foreldre kjem frå.

Jubileumsdagen - Barnehagen 40 år!

I dag feirer vi at det er 40 år sidan barnehagen opna. Barnehagen kan sjå tilbake på mange innhaldrike år, og framover på mange innhaldsrike og spennande år vidare!

Litt historie

På slutten av 1960 talet skulle det leggast ut eit byggefelt på 72 tomter i Håvikmyrane i Brattvåg. Ein av grunneigarane var Ottar Håvik. Han hadde lese i misjonsbladet Utsyn om at Norsk Luthersk Misjonssamband ville satse på barnehagearbeid.

Dette fenga Ottar som var formann i den lokale misjonsforeininga. Han gav eit høveleg tomteareal og vart formann i den lokale byggenemnda.

Dette var nytt i Brattvåg. Barnehagar var slikt som fanst i byen og på store industristader.

Det vart sett i gang behovsgransking. Mange unge var positive, medan andre lurte på kva dei skulle med barnehage. ”Dei kunne no passe ungane sine sjølve” og ” barna kan leike ute i lag med mødrene sine” var svar ein fekk på denne granskinga. Arbeidet gjekk vidare og med kommunal garanti og gratisinnsats frå misjonsforeininga, vart arbeidet sett i gang.

Eit Oslofirma som hadde levert mange barnehagar vart kopla inn. Det vart sagt at dei hadde seld mange barnehagar, men aldri med ei så fin naturtomt.

Bygget vart sett opp etter føreskriftene på den tida med to avdelingar for barn mellom 3-7 år. Huset blei fint og tenleg, men uteområdet skulle ordnast på dugnad.

Tryggheim barnehage, Brattvåg kunne starte opp midt i november 1973.

Då var alt omkring huset opne grøfter, rusk og rask. Men på opningsdagen la ”Vår Herre” eit fint snølag over alt rusket, det var sol over snø den dagen.

For å ordne opp ute, vart det mykje dugnader. Foreldre, tilsette og misjonsvener, alle stod på.

Barnehagen har fungert godt og tenleg i mange år. Men krav og behov har endra seg. Etter 20 år tok ein til å planlegge utviding for å få bedra forholda spesielt for dei tilsette.

I oktober 2004 kunne vi ta i bruk ei ny fløy som inneheld 2 kontor, personalrom, garderobe, toalett og lager.

I tillegg har vi fått utebasen som inneheld opphaldsrom, garderobe og toalett til Friskusane. I 2001 vart det bygd stellerom på begge avdelingar, og barnehagen vart med dette godkjent for barn frå 0-6 år.

Seinare blei det bygd grillhytte oppe i skogen, og i fjor bygde vi oss bålhytte her på leikeområdet. Og no har vi også fått nytt leikelager.

Dersom alt går i orden med kommuna, vil vi også starte med utbygging av to nye småbarnsavdelingar, nye garderober, stort fellesareal og større personalrom i løpet av 2014.

Barnehagen har opplevd stor utvikling i løpet av desse 40 åra, og vi er fortsatt i stor utvikling. Barnehagen har gått frå å vere eit tilbod til nokre få barn under barne- og familiedepartementet, til å vere ein pedagogisk institusjon under Kunnskapsdepartementet. Det betyr at barnehagane blir rekna som å vere ein del av «utdanningsløypa» til barna. Dei som arbeider i barnehagen har eit stort ansvar, og vi er stolte av å jobbe i barnehagen.

Jubileumsdagen blir feira med bursdagssamling, Jubileumsfest med foreldre, søsken, tilsette og tidlegare tilsette.

Både personale og barn fekk seg nye t-skjorter

Vi hadde bursdagssamlinga for barnehagen inne på Tusenfryd

Forberedelse til Jubileum:

 Mandag hadde vi dugnad for å få sette opp partytelt! Det blir nødvendig når vi skal ta imot mange gjester på festen vår (og når det ikkje er meldt godt vèr).

Besøk av brannbilen 19. september

Endeleg er brannbilen her! Den fekk rygge heilt inn på barnehageområdet.

 

I forbindelse med at vi hadde brannvernveke i veke 38 fekk vi besøk av ein brannbil.
Det var stor stas å få snakke med ein ekte brannmann, og han hadde mykje spennande å vise oss.

Brannmannen har fått på seg fullt utstyr, og barna er nysgjerrige på korleis det er å ha på seg

Brannslangen måtte også testast!

Det var spennande å sjå kor mykje utstyr som var inne i brannbilen.  

 

 

Tusen takk for eit flott besøk, kjære brannmann!

FYSIKKEKSPERIMENT I BARNEHAGEN

Fysikkeksperiment er gøy! Då kan vi finne ut litt om korleis fysiske lover verkar. Barna får prøve ut sjølve og fundere over kvifor ting fungerer som dei gjer. Vi laga "vulkan" i sandkassa med vatn, eddikk, oppvaskmiddel, konditorfarge og natron. Sjå kva som skjedde!

Sommerfest

I dag har vi hatt den tradisjonelle sommerfesten i barnehagen.

 Det er ein flott årleg begivenhet, der vi har ulike sommarleikar, sporløp, skattejakt, og ei høgtideleg avslutning for dei eldste barna som skal starte på skulen og for dei barna som skal vidare i ein annan barnehage.

Å kaste pinne er ein av dei leikane barna får prøve seg på.  Her er det viktig med presisjon.....

Hinderløype er morosamt

Dei eldste barna fekk utdelt gåver frå ei "ekte" Sølvpute. Tusen takk for den flotte tida i barnehagen, og lykke til vidare på skulen!

Festmåltid med langbord

Vi feira med pølse med brød (såklart!), snacks og melon.

Vi hadde skattejakt med skattekart.... spennande å leite etter skatten....  I skattekista låg det mange gullpengar!

Det var fiskekonkurranse..... "Håper vi får noko på kroken!".

Potetløp... Klar - ferdig - gå....

Potetløp.... Her gjeld det å ha tunga beint i munnen.....

Hinderløype

 Tusen takk for eit flott barnehageår! Det har vore spennande og kjekt!

Topp innsats på familiedugnad lørdag 25. mai

Båten vår skal få fin grøn plen rundt seg. Det har blitt ordna med god drenering, og vi ønsker at det skal bli grønnare omgjevnader for barna. Første trinn var å så i plen, plante bærbusker, eple-, kirsebær-, og pæretre, og nokre andre grønne busker. Både barn og foreldra jobba hardt for å spre utover ein stor moldhaug.

 

Mange tre og busker blei også saga ned for å lage eit ryddigare inntrykk. Motorsaga var god å ha!

I lunsjtid tente vi opp grillen, slik at alle fekk grille seg litt mat. Det var mest pølse med brød, men nokre hadde også litt meir avanserte "rettar". Godt å ha ein matbit, samstundes med at foreldra i barnehagen får snakke med kvarandre.

Greit å arbeide medan barna leiker/arbeider la med! :-)

 

 

 

Singelhaugen skulle bli boren på stien opp mot grillhytta vår i skogen,  der det var litt våte/gjørmete parti.

 

 

Leikenota måtte også fiksast og reparerast. Det var god innsats og nota vart god og fin etterpå.

Til alle foreldre og barn som stilte på dugnad:

TUSEN TAKK FOR SUPER INNSATS!